de nonna Agnese (T.S)

Como faeddamus
de unu mastru de fiacca
e bonu imprendidore.
In cue nos cherimus!
Leat sa zente de macca
cun tottu sas rejones
chi noi no ischimus
ei sa cosa pius forte
chi tottu lu difendent
finzamentra a sa morte.
Paret unu re
antzis imperadore
e issu ne cumbinat
de ogni colore.
Ma li perdonant tottu
riccu coment'est
si cheret comporare
puru su Babbu Celeste.
E torramus a bomba
est intradu in Sardigna
cun d'unu sonu de trumba
"Bos fatto custu!Bos fatto cuddu!
ei sos tribaglios ponimus a postu.
Ma est unu olu de culumba
si unu b'istat unu pagu attentu
ca sas paraulas si la leat su bentu.
Caru sardu lu cheres ischire
non bi pensat a sa zente tua
ma solu a si pienare
sa busciacca sua.

Non b'at nudda de nou,
chi tottu cheren pigare a cannittu,
prommissas de piagheres
e abbundantzia canta nde cheres.
Ma cando lis das su votu
s'ismentigan de tottu.
Prima amigos e cumpagnones
poi, trattados comente cozones (iscujade...Terrones).
Non b'at pius ite pensare!
B'at unu muru,
tra narrer e fagher.
Ei s'isperantzia ue la ponimus?
A che torrare a inue che fimus?
Sentza remora e ne affannu.
Si toccant sa manu......
e bonanotte e Bonannu.

Ritorna a Sommario di Nonna AGNESE >>>>