<<<Noas e Betzas 2018  Home>>>

ARCHIVIO GENERALE >>>

 

Su Benidore, in su tempus de sos runaghesos. De Mariu Unale

 

 

 

 

 

 

 

 

Fit bennidu unu tempus de prosperidade e de paghe chi, duraiat dae chentinarias de annos, ei sos betzos faghiant sos contos de sos antenados-eroes chi si fint distintos in sas gherras pro difender su regnu ei sos abitantes dei cussa manna Mama Terra chi los nutriat cun sas annadas ricas de frutures e de tantu bestiamine chi, fizaiat e daiat late e peta, peddes e corros, pro fagher  su mandigu ei sas bestimentas pro sa minoridade ei sa zente manna. Dae monte Atarzu batiant sa pedra atarzina, pro fagher busteddos e fritzas, puntorzos de onzi iscera, puru si dae funtana raminosa, beniat cussa pedra chi, cota cun ateros minerales, faghiat mezus fregura a fromma de pedde de boe, chi sos frailarzos in su runaghe de Furros e, in Leriga leaiant pro fagher armas ei sas freguras pro s’ammentu de sos antenato, chi poniant aintro sos putos de s’abba, pro s’ingrasciare Mama Terra e, Babbu Sole de unu mezus benidore, e a fagher de atentu a sa memorias de chie no bi fit pius in custa terra. Sa memoria fit forte ei sa tzerimonias, fatas  cun pregadorias in sas tumbas de sos zigantes agiuaiant a sustenner sos tribaglios de onzi die.Sos betzos inghiriados dae sa minoridade faghiant sos contos de sos gherrieros e tramandaiant sas connoschentzias a chie fit bennidu a su mundu e, chi creschende deviat issu matessi tramandare a sas generassiones noas!