<<< Noas e Betzas 2020

ARCHIVIO GENERALE >>>         

S'Immurti Immurti in tempo di covid19

Stante le restrizioni dell'ultimo dcpm sulla sars cov 2, i festeggiamenti per su Immurti Immurti saranno rimandati e ridotti solamente a strette cerchie in famiglia.

 

 

 

 

 

 

Sos antenados nostros giÓ dae chimbemiza annos faghet a oe, pregaiant e adoraiant sos mortos issoro in sas Domos de Janas e, in sas Tumbas de sos Zigantes. Dae cando fia minoreddu, su sero aprimma de totu sos Santos, cun sos cumpagneddos andaimus fatu fatu, peri sas carrelas de bidda a preguntare s’immurti immurti chi diat cherrer narrer “pro sos mortos mortos,e su mantessi pro sos mortos nostros”. Sa zente nos daiat cariga, prunarda, nughe e castanza e ateras frutures arribadas dae s’atunzu. Puru oe sa minoridade, annoat custa costumantzia chi sos betzos devent tenner a contu pro tramandare s'istoria de sa cultura de sos antenados nostros

 

 

 

 

 

 

Un’ammentu pro chie nos at lassadu a penare in custa terra. In su tempus modernu, sa gioventude, intamen de sighire sas costumantzias nostras c’ant ammisciadu puru sa festa istranza de halloween!

 

 

 

 

 

 

 

 

Fintzamentra a pagos annos faghet, mama aparitzaiat sa banca cun sos cicioneddos fatos in domo, binu ei sos zigarros pruite sos mortos nostros esserent bennidos a istranzare e a mandigare, fatende atentzione a no ponner ne furchetas nen busteddos! E deo puru, mancarri a malagana apo fatu cuntentos a nebodeddos mios ammisciendeche unu pagu de ambas duas costumantzias, fatendeli sos contos dessa cultura ei s'istoria nostra chi,

che bessit allontanu de pius de chimbe miza annos cando sos antenados nostro c'andaiant a sas domos de janas a fagher s'imbesita a chie fit mortu e, issos puru faghiant grande mandigos e bufaiant preghende sa grande Mama Terra ei su Babbu Sole de agoglire sos mortos nostros puru in s'atera bida.