SU GREDO. (11-19)

Cando ap’a bider s’atunzu in beranu
Ei s’ijerru caldu chei s’istiju
Campos de trigu ingranidos a ranu
Cun ispigas de chilu in su restuju. 

Ei sas baddes fattas a montes
Cun su chelu trasformadu in mare
Felitzidade cun suore in fronte
Ei su dolore chi est cosa de amare. 

Cand’ap’a bider trummentas de nije
Variende in frinas de mannu lugore
Su nieddu ‘e su notte diventerat dije
Ei s’odiu de s’omine fraternu amore 

Tand’ap’a essere abeltu in su coro
Comente sa mama allattende sa fiza
Chi augurat a issa sos mannos tesoro
Ei sas fortunas chi issa disiza. 

Ap’a pensare ch’in s’arvure rutta
Bi fiorin oijos de gemmas de fruttu
Sa Sacra Familia aintro sa grutta
Fit poveritta de piantu a succuttu. 

Nos as lassadu aberta sa vida
Pro amore, perdonu e passientzia
In gherra lottende pro bider unida
Custa famiglia, Divina Provvidentzia