Colores de amistade,cando su bentu
frusciat dechidu,in sas pubuleas
de sas arvures bundantziosas
de fruttures coloridas.

Sas boghes in sas baddes
e in sas costeras pienas de laore,
de sos messaios, serenas,
pro su enidore riccu e galanu.

Sas amas de sas arveghes
de sos pastores sunt belende
a Santandria,apparitzende
naschidorzos innotzentes

Benes de Deus, est sa natura
chi s'omine hat domadu
pro intendimentos suos.

Cuntivizala, amala , e difendela
comente fizos tuos
si nde cheres bogare fruttu.