PRO MAMA ( de B. S. sue su Sassu)
Cando sende minore mama mia
Abitaiat in custa pinnetta
Innoghe l’ant cantadu sa ninnia
e fatta manna a femina cumpleta
Bestiat che in antiga galania
In mancaloru isgiacca e faldetta
trabagliadora amante de sa fadiga
Fit des sa mezus de sa zente antiga.
Custa pinnetta apusentu e cusina
Fit dae unu runaghe pagu attesu
Ma como paret una muridina
Chi tottu cantu ch’est faladu ammesu
Mama puru bi mancat poverina
Su chi so nende non li diat pesu
E tottu cantas custas pagas cosas
Sian pro issa fiores e rosas.
