Rime sparse....perse... e, ritrovate.

SAS TANCAS DE SU CHELU ( de Bainzu Truddaiu)

Sas tancas de su chelu isconfinadas,
 ite mannas chi sunu: mi' sa luna
 in paragone ínsoro paret una
 sìndria furriada in mesu chelu.
 Est frizida sa notte e-i su gelu
 attrighinzit sas bamas fadigadas.

Est una notte fritta de frearzu,
 simmai si nd'hat bidu atteras frittas:
sas tancas de, su chelu biaittas

sun bombittende astrau da-e sas benas,
 ca sas abbas arressas e serenas
 sun beladas e duras che-i s’attarzu.

Non si pesat ne frina e ne sisia,
incantada, sa luna cun s’arzola
est girende sas tancas sola sola
 in mesu a unu campu isconfinadu,
essere non s'intendet animadu
chi movat innu sutta sa 'iddia.

Aradu non bi nd'hat ne messadorza
 istanotte in sas tancas de su chelu
 e ne mancu si notat unu velu

ne làcanas ne muros de tramesu:
est unu padru mannu estesu estesu,
tott’un immensa,infnita cunsorza.

In cussas tancas den esser in festa

ca b' est sa luna cun s'arzolat manna
 sas istellas che gìaos in sa gianna

sun sìzidas appare o^, poi b'hada
unu trainu a piena falada

chi rujat de su chelu sa foresta.

Ite bellas chi sunu cussas tancas,
mancari chi su frittu siat grae

no lu turbat su risu de cuddae
chi tenen in sas laras sas istallas
ca sun che nie càndidas e bellas,
incantadoras,lùzzigas,biancas.

Ma su frittu est troppu: ah, est biancu
 su logu, paret covacadu ‘e nie!
Si sighit goi fin’a fagher die

sos terrinos den parrer de cimentu!
A ue trabentadu si est su ‘entu

chi no frusciat ne fozas movet mancu?

(ringrazio per la gentile concessione Peppa e tutta la famiglia)