Rime sparse....perse... e, ritrovate. 

<<<    >>>                                     indice                     

Giaju Matteu Tedde (1873-1925)

de Anghelu Tedde

M'han contadu chi giaiju meu Matteu
daeboi 'e duos annos de finanza
errante meda pius de un ebreu
si ch'est andadu cun tiu Pepp'in Franza 4

   Inie s'innamorei de Adelina
de Pānama piccioca americana
ma poi pensende a giaija giarina
torreidi a l'isposare in Carrugana. 8

Improssimada sa bella  iposina
est devidu partire pro tribagliu
in su canale 'e America latina
e rincontreidi su franzesu abbagliu. 12
Cojuada si fit puru Adelina
cun d'unu riccu suddamaericanu
ma senza fizos fit sa poverina
e a giaiju meu hat domandadu manu 16

e issu senza tantos complimentos
improssimada l'hat cun piaghere
ma poi toccadu  dae sos sentimentos
est torradu a bider sa muzere 20

ch' in su frattempus l'haiat dadu fizu
chi fit, poi, babbu meu, coro 'e mama.
Ma de tribagliu li torrat   desizu
e partid' est a Canale 'e Panāma. 24

Inie connoschet su segundu fiore
de Adelina , felize e cuntenta,
chi li doneidi in signu de amore
tantu inari pro comporar' armenta. 28

Torreidi giaiju meu da-e s'isposa
e comporeidi terras e animales
conzepit fizos riccos d' ogni cosa
e festas mannas faghiat cun sos fedales. 32