TRA STORIA E LEGGENDA

                        "Sos contos de foghile"                     LA STORIA

pag.6                                                                                                      

pag.1   Sommario                          MEMORIAS DE PITZINNU MINORE

................cando fia minoreddu cun giaju tou andaija a l'agiuare in sos trobaglios chi bi fint de fagher in familia: a battire sa linna pro s'ijerru, sa paza pro s'ainu, a pasculare sa craba e gai sighende a narrer..............- Una die fimus tzappende in binza, e deo istaija unu pagu leadu dai tottu sos movimentos de sos animales chi bi giraijana in tundu. Ogni ischimuzu mi faghijat curiosidade. -Oh ba!! e ite est cussu puzone? -Tzappa e finindela de t'abbaidare in giru- Cussu este su frambainzu,  est chirchende sa figu cotta pro si la mandigare- Tzappa!!.

-Abbà! ba! - Un' animaleddu iscuru e longu currende chei sa  fua si ch'este intradu in d'unu bucu e su muru-.-T'apo nadu a n'de la finire e  tzappa; cussa e sa tana dessu muru chi est  in chirca issa puru de mandigare- Tzappa!!-

M' abbaidaija in s'intorinu tocchendemi sos curumos chi mi doliana; sempere a ischina abbasciada e bidija a babbu chi dai comintzu de su suschu non sinde addritzaijat mai, finzamentra chi no che pigaijada s'andaina.  

Pruite no s'istraca mai e deo m'istraco gai in presse? Fossi ca issu e mannu e deo so minoreddu. Issu sempere a ischina abbasciada ei su suore chi li colendeli in fronte e in su tuju lu faghiada lutzigu che ispiju.

- Oh ba!! Abbaida josso in s'ata de sa ghijura!!.. B'ada un omine a caddu a un ebba, pare chi siede pighende a innoghe.                                                    (continua a pag.7)

   >>>