TRA STORIA E LEGGENDA
"Sos contos de foghile" LA STORIA
pag.6 HOME PAGE
pag.1 MEMORIAS DE PITZINNU MINORE
................cando fia minoreddu cun giaju tou andaia a l'agiuare in sos trobaglios chi bi fint de fagher in familia: A batire sa linna pro s'ierru, sa paza pro s'ainu, a pasculare sa craba e gai sighende..............- Una die fimus tzappende in binza, e deo istaia unu pagu leadu dai tottu sos movimentos de sos animales chi bi giraiana in tundu. Ogni ischimuzu mi faghiat curiosidade. -Oh ba!! e ite cussu puzzone? -Tzappa e finindela de t'abbaidare in giru- Cussu este su frambainzu, est chirchende sa figu cotta pro si la mandigare- Tzappa!!.
-Abbà! ba! - Un' animaleddu iscuru e longu currende che fua si ch'este intradu in d'unu bucu e su muru-.-T'apo nadu a n'de la finire e a continuare a tzappare; cussa e sa tana de muru chi est in chirca issa puru de mandigare- Tzappa!!-
M' abbaidaia intorinu tocchendemi sos curumos chi mi doliana sempre a ischina abbasciada e bidia a babbu chi dai cominzu de su suscu non si n'addritzaia mai finza chi no che pigaiada s'andaina. Pruite no s'istraca mai e deo m'istraco gai in presse? Fossi ca issu e mannu e deo so minoreddu. Issu sempre a ischina abbasciada e su suore chi li colada in fronte e in su tuju lu faghiada luzzigu che ispiju.
- Oh ba!! Abbaida giosso in s'ata de sa ghijura!!.. B'ada un omine a caddu a un ebba, pare chi sie pighende a innoghe. (continua a pag.7)