TRA STORIA E LEGGENDA

pag.30                                                                                          

pag.1Sommario                                              Frassetto ei sas coloras

Frassetto aiat cumbàtidu in gherra in Africa Orientale, e nuddha li faghijat timore, ne innimigos e ne animales de ogni ispessie. Issu fit amprosu in sos contos chi faghijat a sos amigos setzidos in s'umbra in istiju e in su sole in beranu. Una de sa tantas boltas.............
"-una die intendei un'ischimuzu, imbratzei su fusile e pam!!pam!! abburriei fogu a unu serpente chi a narrer pagu fit longu dae tres a battor metros-".

Una die fimus tribagliende in sa riforma, e Giuanne cun sos amigos, cherent fagher una buglia a Frassetto chi sempere pali erettu e in fusile a coddhu isthaiat a su gira chi ti gira chena fagher nudda. Mentere chi fit a palas bolsthadas, Giuanne leat sa propria chintorsza e che la lampat in aeras contra a Frassetto. Sa chintorza in aera parijat una colora de aberu, chi si trofighiaiat a manca e a drestha pro chi ruer in pees de Frassetto, chi est beru c'aiat mortu serpentes de battor metros, ma cussu baessantainnorammala, cussu fit pius longu ancora. Imbratzadu su fusile....... su tiru. Ambos duos in sa matessi alszada e oju, a pees de Giuanne, chi aggiummai che li catzat sa sola 'e sa botte. Su risu ei sos ischascaglios de totus pro sa leada in giru a Frassetto "su grande catziadore de sos serpentes africanos", ma puru sa timoria de sos amigos de no bugliare cun maccos e......ne cun santos. (le foto del racconto non si riferiscono ai fatti trattati).