TRA STORIA E LEGGENDA

pag.33                                                                                     

pag.1Sommario

                                              " SOS FIZOS DE UMBERTO"

Tra Antoca e Pitzeca no haiat curridu mai bonu sambene. E chie l'hat a ischire candho e comente fit comintzadu su malu ider.Tiu Antoca fit de petza minuda, faghiat su masthru e' ascia e niunu che li leaiat sa muscha dae nares. Pitzeca invetze fit maduru, sas pius bolsthas sempere a caddhu a un'ebba ispana, intreu e prepotente in s'abbaidada.

Una bella die Pitzeca pigat a biddha pro roba de incumandiscias cun d'una puddhedra isteddhada in su fronte, mesu addhinosa e male domada. S'inde falat dae caddhu e lu ligat a sa loriga addhainanti ''''e fraile ue b'aijat paritzos pitzinnos a  su joga joga, chie a cirimella chie a imbresthia.

Tiu Antoca a s'ipeisinzu de su caddhu si fit acceradu a sa janna, cun duos giaos isthrintos in laras, fattende musthra de fagher cosa. Cun dh'una mesa oghe, arrinzendhe sa dentes:

-"Faghe attentzione Pitzè!!! chi bi sunt sos pitzinnos ei sas criaduras joghendhe!"-

-" Già di ses preoccupendhe meda Anto!! Mancu chi sient sos fizos de Umberto.

Antoca ch'inguglit sa salia chi li pareit ranchida meda, incripit de coddhos e torrat a mastheddhare chi pariant colpos de matza.

S' incrasa Pitzeca pigheit a biddha a pe. Su notte passadu aveschende sa die aijat apidu sa puddhedra molstha intro a una middhigheddha addhaesegus dessa dhomo; si podet narrer in carrela.

In carrela de tiu Antoca addainanti 'e fraile sutta a sa loriga sos pitzinnos ei sas criaduras giogant a boghes e a ticchirrios, cuntentos e allegros che cicciri.mezus de sos fizos de Umberto su re.

(Le foto sono dell'archivio di Mario Unali e non sono relative al fatto raccontato).