SU SIDDADU
      pag.1Sommario

Fit currende s'annu norantotto dessu milleottighentos e tiu Pedrantoni S.... fit pastore in s'Ena. Sa familieddha fit manna ei sos fizigheddhos naschidos unu fattu a s'ateru, cale a culu nudu e a muccu falende aijant bisonzu dessu pane ogni Santa dije. E non fit pagu......pruite s'agataijat paga cosa 'e tottu, puru chi Nos daimus de fagher a ponner sa provvisteddhas. Sa dijes che passaijant fattu a roba, fattende linna russa e mudeju pro s'ijerru e, ogni ateru fagher dessa campagna. Una bella dije in "iscala e Malstha" a pinna 'e su runaghe tiu  Pedrantoni si che fit casaladu intro su cappotinu de furesi cun su frittu intro sos ossos chi parijant lama de ustheddhu. Tottu in d'unu si li presentat qust'omine etzu cun ava e pilos longos, ma cun faghere 'onu li narat:
-Bae a intro 'e su runaghe. Iffossa in tale logu e bogande totta cussa cosa. Appena nde ses in possessu etali subra unu trastu tou.
Molti dei racconti sono di pura fantasia. In essi vi č anche qualche radice di veritŕ e, sono accaduti tanto tempo fa. Le foto non si riferiscono ai fatti narrati.
Riconoscere se stessi o eventuali altre persone č un puro caso. 


Ne nada e ne fatta tiu Pedrantoni ch'intrat in su runaghe, iffossat fintz'a benuju e nde ogat duas broccas pesantes che tronu. La ponet addhainanti 'e sa janna 'e su runaghe e las isvagat in terra. Aintro baijat soddhos  de oro e de prata e brunzos de ogni iscera: friguras de omines e feminas e meda gherrieros cun armas e ateros armamentarios de ogni dije. Ispantadu dae su sidddhadu si chindulat felitze e narat:
-Ei como ite devo fagher?
-T'haia nadu de bi etare unu trasthu subra, pro ghi nd'esser diventatu su tou, solu de propriedade tua e invetze no l'as fattu. Allu chi non m'as posthu mente como lu leas e che lu torras aintro da ue nde l'as bogadu. Pedrantoni pone subětu mente puru ca cuss'omine etzu como li pariat arrabbiadu e che sutterrat totta sa cosa da ue l'aijat leada. Bessidu a fora s'intendet sa presentzia subra chi li deit unu anzu chi de pius mannu non d'aijat ammentu. Addoloridu e intristidu siche torreit fattu a sas avegheddhas suas. Sos dolores de sos ossos parijant lamas de ustheddhu in sa carre.