Contos de foghile.
Sa memoria a boghe at tramandadu dae su tempus passadu sas
connoschentzias sas pius differentes. Dae sos trobaglios dessa campagna a
su manivestu dessos animales.Segundu s'istajone s' aparitzaiat sa terra
pro su semene c'adaer battidu una bona incunza. Sos fattos de familia fint
cosa riservadas e cunservadas in su coro. Sos pius minores intendiant sas
cosa dae sos mannos e cuntivizaiant s'ischire pro unu crasa pro favorire
unu enidore mezus a sa minoridade chi deviat ancora benner a fruttu.
|
Dessas cosas chi pius m'aggradessint
in sa vida, sunt cussas chi onzi die si podent bider in sas carrelas de
iddha: feminas impicciadas in sos trobaglios de domo, pitzinnos fatendhe sos
cumandhos ei sos betzos setzidos in calecunu jannile ammentendhesi sa
pitzinnia, oburu, ateros contos de sos mannos chi non sunt piusu. Ite diat
esser o diat esser istadu si non che fit isthadu s'arradiu ei sa
televisione? Tandho si tratteniant in sa fogulaja a lughe 'e carburu fintzas
chi sos titones in mesu a sas chijina mandhaiant calura. Sa minoridade,
totta inghiriada a sos pius betzos aisculsthendhe e, a su matessi mamentu
timendhe sos contos de sas fadas e dei sos oschros. Su fiagu de su
fumadigu ammisciu ai cussu de su regottu asciuttendhe in su cannittu, cun
sos giagos guasi prontos a giagare, mi ch'est intradu in tzelembros umpare
a s'ammentu de sa fae, de su coccoi e de s'isparau cottos in braija. Ma de
una cosa non mi poto immentigare: sa seguresa dessos bratzos de giaija e de
giaiju chi Nos istringhiant a issos candho Nos bidiant timerosos a
tremuleddha. |
|