TRA STORIA E LEGGENDA
" Sa macchina e cosire"
pag.8 LA STORIA
pag.1Sommario
Tantu tempu faghet, in sos sprimos meses de su millienoighentochimbanta, sa zente chi abitaiat in campagna aiat sa costumantzia de s'agatare onzi sero a tardu, da chi sos trobaglios de sa die azigu passada fint cumpridos, e a sicche passare s'iscutta cando in d'una, cando in d'un'atera domo. Si faghiant sos contados de su tempus antigu ammentendesi proas e fadigas passadas mentere chi sos pitzinnos istaiant gioghende intro e domo in s'ijerru e in carrela in tempu bonu. Una die Ainzu, dadu chi aiada fattu una bona incunza e chi sa muzere aiat meda 'e cosire a manu, li comporeidi sa macchina e cosire. Custa macchina fit arrivida cun d'unu paccu, imboligada a pabiru 'e istratzu intro sa sita, e Bainzu che l'aiat giuta a domo sua subra a s'ainu, ca sa veridade si nelzada fit unu tantigheddu pesosa. S'ispalgheidi sa oghe in su ighinu pił lestra de su lampu, e sa zente, tota ganta, fintza cudda pagu amantiosa de visitas, feteidi in presse a domandare de idere sa meraviza. Peristantu sa muzere de Ainzu aiat giamadu sas amigas ei sos parentes pił custrintos e magari in presse aiat preparadu calchi cosa pro su cumbidu, ca sa veridade, fit zente cumprida, ma custa pariada una occasione ispeziale pro fagher mezu fregura.
- E cantu bi ponese a cosire unu entone?
-Bah! si primu bi cheriat una chidada mancarri a tempu peldidu, como e guasi una alszada e oiju, in d'una die lu sestas e lu cosis-
- Ite cosa bella! e finzamentra curiosa cun cussa roda manna chi girada che mala fortuna, ei cuss' agu chi intrat e bessit da unu buccareddu-
In cussu faghere e narrere s'intendeini sos canes appeddende ca aiana intesu unu ischimuzu: - A si podet?
-Avanzade sos istranzos....gia che n' ada de logu-
-Benennidos....e ben'appidos a tottu-
-Leade unu caligheddu e cosa forte chi est fattende frittu.
Intantu in mesu a totta cussa zente pariada guasi chi tiu Filippu s'esserada cuizadu. No aiada bogadu musciu mancu a lu pagare e istaiada inghiriende a dresta e a manca cudda macchina e cosire, abbaidendela a incorradura.Chi poi no fit tottu cussu chi ne fit antende sa padrona, ca issu cando aiat tiradu in leva, a Cagliari in domo de una parente cojuada cun d'unu coronnellu de s'esercitu, n' aiat bidu una piłs manna aintro una banca e linna!.
-Oh! Ai!!....e cantu l'as pagada?-
-Meda Filippč, meda!!! Deghe miza francos!-
-Deghe mizza francos?- E cantos iscudos sunt?-
Tiu Ainzu, omine de bonas peraulas e bene arrejonadu, aberis sas manos e li rispondet chi si unu iscudu sunt chimbe francos gia si faghede in presse a ischire cantos iscudos dia costare sa macchina e cosire.
Ne nadu e ne fattu tiu Filippu si casala su bonette, si setzidi in d'unu banchittu de ostiju e comintzada a bogare sos poddighes contende.......
-Unu iscudu chimbe francos, duos iscudos deghe francos, trese iscudos bindighi francos......- Ho! Ai!! Cantu aisi nadu chi costaida cudda macchina?
-Deghe miza Filippč, deghe miza.
Ih!! Amus a narrere tando gia est fatzile a ischire cantos iscudos l'as pagada.
E torrende a si setzere pił largu de innanti, e dende un'intosthada a su bonette cun faghere no tantu serenu, ma chiberu, si poniat a contare....
-Unu iscudu chimbe francos, duos iscudos deghe francos, tres iscudos bindighi francos..........oh!! Ai........
Su tempus si ch'est passadu pro tottu e tiu Filippu cumpare a tiu Ainzu siche sunt andados, e deo so seguru chi tiu Filippu est ancora domandende cantos iscudos, tiu Ainzu at pagadu sa macchina 'e cosire, e chi ancora est contende a poddighes pro ischire cantu costaiada cudda macchina. Si si fidi agatadu ancora, issu puru aiada apidu retzidu a domo sa "macchinetta" de su presidente dessu cussizu nassionale chi cambiada in su mamentu, cantu sunt sos francos in euros, e seguramente aiat iscrittu a Silvio domandendeli: caru presidente pruite no as fattu su cambiu puru in iscudos ma solamente in raijos chi ti falene o ite bulvera siant custos soddos noos chi nd'azis bogadu a pizu.
N.d.A: (le foto sono casuali e non si riferiscono al fatto raccontato).